ايوب

كنت يوم حزين كسير كنت مش عايز غير اكون بين ايدين القدير
عدى بي اصدقائي
ناس لطاف ناس جمال بس مش عايز كلام
كلمتك ممكن تكون في غير مكان
ممكن تجرح حتى لو قصدك طيب
كل كلمة خارجة بره منه تبقى سيف
تبقى سيف يقطع ويجرح
يفتح الجرح القديم
يعمل جرح اقوى من اللي فات
لو كنت صاحبي قوم وصلي
قوم واطلب عزاء من المسيح
اطلب ايده تتمد لأخوك
هو يعصب هو يشفي
لو وقعت في ايده احسن من ايد الصحاب
هو اعظم أب شفته
هو أعمق حب عيشته
وسط جرحي سمعت صوته
صوت كان غير اي صوت
كله هلل
قالوا اصلك عملك كان خبيث و اهوه جنيت
اما هو قالي لأ
انت ابني وبيك فخور
قوم وكمل
قوم وخطي
قوم ناديني
حتى لو مفيكش روح قوتي تحي العظام تشفي الجروح
قوم يا ابني وبص فوق قوم وفوق
لما جت عيني في عينيه لقيتني بسأل السؤال
ايه اللي جرحك
حب كان
صديق جبان
رفض انسان
كلام يدغدغ الكيان
كل اللي حواليك خانوك
انكروك
اتلطمت
اتجلدت
اتصلبت
ومهما كان
هتكون احسن من ابوك
يمكن كلامهم كان صحيح
يمكن كانوا عايزين يقولوا نفس الكلام
كلام صحيح بس مش بيشفي ولو مكانهم كنت قلته
وكنت هرفضه لو سمعته
لكن كلمة منه تكفي
قوم واطلبها لأخوك